CARMEN DE TROMOCRATORE MORTUO

Legite, amici, carmen quod amicus noster Martinus Zythophilus de quodam tromocratore scripsit:

MARTINVS SODALIBVS

Totus eum timuit terrarum territus orbis,

Flammae mortiferae -uae!- scelerisque memor.

Tot molitus erat mortem mortalibus auctor,

ipsum quem perimit nunc manus ulta nefas.

Se diuina sequi necibus mandata putauit:

Iudicet et meritum puniat igne Deus.